Mulumbu kiaki kia le 06 avril bonso
widi kieto
dilu mu nkunga
Tata Nzambi, mu tomisa beto bantu, nsatu zaku mu fila ku tuena muan'aku
Yisu Klisto mpasi vo malua wawana menda betela.
Mfumu' eto Yisu Klisto, ngeye bu wazola mvuluzua muntu, watambudila
lufua lua nsoni, ye wa komua vana nti kumosi ye mivi, ndumosi mu bawu
watoma ku sevila, nkasi ngeye ka wa vutula di mosi ko, kadi wa zola
kaka vanga malua wizana ye Se diaku kadi muntu ka fueti vutuka kakala
diaka muna ntim'eno.
Momo mawonso mavangama mu kuma kia beto bambi.
Tutomene dio zaya vo, ngeye zolele vutula beto bantu tuakala yaku va
kimosi koko ukalanga kumosi ye ba nlongo mu mvut'aku ku zulu.
Wa songa makala yaku kua ba nlongoki baku, ye wa ba fila benda mu nza
ya mvimba, mukitula ba pakanu se minkuikizi.
Muanda Velela si wa kulumuka ye si kakala yeno kansi kaluku zaya ko.
Mpova zeno momo nkanda moyo tu muinanga zo.
Mu lumbu kiaki kia le 06 avril, Tata Nzambi, Mfumu'eto Yisu Klisto ye
Ngeye Muanda Velela, tu zeyi dio vo tuena ba vila vana meso meno.
Kadi tu vanganga ma lulembolo zolanga.
Tu fuisanga basadi bieno nsoni, kadi tu vuezanga malua kanikina.
Tu fukamene vava malu meno, mpasi vo tua mona nlemvo'eno.
Tu tonene mbi zeto, kadi nza ya mvimba niku niku mpasi tua teza zaya
ngeye keti wu nani.
Wutu visisa kadi beto zayi wa kimuana kaka.
Mu kuma kia mbi zeto bivuku bi tu sakidi : Lufua, Bimbevo, Zimvita,
Nsatu, ye mampila mu mpila diaka.
Beto ka tuena ye tininu kia nkaka ko, ngeye kaka yi suamunu kieto.
Lutu tanina kadi tu kondolo wankaka lenda kala kimpovela kieto va luena.
Lutu sundisa mu mvita zena yeto va nza.
Simba dilu kieto e Mfumu! Kutadi masumu meto ko, kadi tu zeye dio vo
ngeye Mfumu Yisu di wa fuila vana nti mpasi vo tua bikua bana ba Nzambi.
Tu lombele luvuvamu mu nza ya mvimba, Afilika, Eropa, Amelika, Asiya ye
Oseyania.
Ngeye bu wa vova, ka vasala tadi vana ntandu a tadi yani ko bilembi
kunkulua.
Tu muini ndambu za nkaka mu nza zakini kaka muna wisa kia bantu ba
nkaka.
Muna luvuvamu yambula waba sodila kimpovela mu kuba diatisa, kadi
tumuini vo menga ma bantu mayidikidi kala zinga vana meso maku mu kuma
kia kisodila ntuadisi.
Diodio diena dia mpasi beni ye dia kiadi mpe, kadi bubu bafueti kutu
nuanisa beto ye beto tu na vondasana.
Tu lulombele luatu katudila momo mawonsono mpasi vo luvuvamu luiza mu
nza ya mvimba, mpasi vo makanda ye zi ndinga mawisana.
Yi momo tuiziyekola kua beno ba tatu ba Nlongo, mu nkumbu' a Se, ye
Muana, ye Muanda velela.
Amen.
Mise
en ligne P.M / Preski
France
Powered by Preski
France
© 2006-2007 ejcsk-France
|
